"Xalq ta’limi" ilmiy-metodik jurnali rasmiy veb sayti

Табрик

Ўзбекистон Республикаси Халқ таълими вазирлиги муассислигида нашр этилаётган “Халқ таълими” илмий-методик журнали республикамизда амалга оширилаётган таълим тизимидаги ислоҳотлар, таълим соҳасида кечаётган жараёнларни кенг ёритишга ихтисослашган журналдир.

Мана журнал бу йил юз ёш, бир аср билан юзлашибди. Йилларнинг шиддат билан ўтишини қарангки, “Халқ таълими” журналининг 80 йиллик юбилей сонида илк мақолам чоп қилинганлигини тасодифан “Маърифат” газетасидан ўқиб, билганимга ҳам йигирма йил бўлибди. Бу йиллар мобайнида ушбу журналда бир неча мақолаларни чоп эттирдим, бироқ ҳали-ҳануз ўша биринчи мақолани кўриб, ҳаяжонланганим, қувонганим эсимдан чиқмайди.

Ўтган юз йил мобайнида ўз йўналишини белгилаб олган журнал ўз анъаналарига содиқ қолган ҳолда ҳозирда ҳам таълимнинг ўтмиши, бугуни ва истиқболини ифода этувчи пухта асосланган, илмий, методик мазмундаги, чуқур таҳлилий мақолаларни чоп этиб бормоқдаки, бу билан ўз ўқувчилари, муштарийларининг алоҳида қадрли нашрига айланиб улгурди.

“Халқ таълими”нинг юртимизда чоп этиладиган журналлар орасида ўз обрўси, нуфузи бўлишида устозлар ижобий анъаналарини муваффақиятли давом эттириб, такрорланмас профессионал ва инсоний муҳитни сақлаб келаётган таҳририят раҳбар ва ходимларининг ўрни бениҳоя каттадир.

“Халқ таълими” илмий-методик журналининг 100 ёшга тўлиши муносабати билан унда фаолият юритган муҳтарам фахрийларни, муштарийлар ва ўқувчиларни, фидойи таҳририят аъзоларини, раҳбариятини самимий муборакбод этаман. Уларнинг барчаларига сиҳат-саломатлик, фаолиятларида омад ва ютуқлар, хонадонларига файзу барака тилайман.

Умарали Қодиров,  

Сурхондарё вилояти хокимияти Бош мутахассиси,

психология фанлари номзоди, доцент

Табрик

      Ҳурматли ва бизга қадрли бўлган “Халқ таълими” илмий-методик журналининг таҳририяти. Сиз азизларни, Халқ таълими” илмий-методик журналининг  муборак 100 ёши билан чин қалбимдан табриклайман. Юртимизда демократик қадриятларини қарор топтириш, таълим-тарбия соҳасини юксалтириш,  илм-фанни тадқиқ этиш, тарғибот-ташвиқот қилишда жамоангизнинг меҳнати беқиёс. Ушбу журналнинг ҳар бир сонини мароқ билан мутоала қиламиз, институтимиз илмий-тадқиқот ва таълим жараёнида кенг фойдаланмиз, чунки ушбу журнал рукнларида чоп этиладиган илмий мақолалар ўзининг илмий-назарий асослари билан билан тадқиқотчининг диққатини ўзига жалб этади.

Ҳурматли таҳририят жамоаси! Ўзбекистон Республикаси Миллий гвардия Ҳарбий-техник институти раҳбарияти ва шахсан ўзим номимдан, сизларни яна бир бор самимий табриклаб, барчангизга сиҳат-саломатлик ва ижодий ютуқлар тилайман. Ватанимизнинг тинчлиги, равнақи, шунингдек, илм-фанни ривожлантириш йўлида ҳорманг!

                                                   Ф.Рахманов

Ўзбекистон Республикаси Миллий гвардияси  Ҳарбий-техник интстиути, подполковник

Юз билан юзлашган журнал

Ўзбекистон Республикаси  Халқ таълими тизимида вазифаларни фидокорона бажараётган ўқитувчилар ва мураббийлар “Халқ таълими” журналининг шонли 100 йиллигини тантанали нишонлар экан, унинг таҳририятга самимий миннатдорчилик, юксак туйғуларни изҳор қиламиз.

Кейинги вақтда “Халқ таълими” журналининг таҳририят ходимларининг ташаббускорлиги, куч ва ғайрат ва қобилиятларини ишга солиб, вилоятларга чиқиб, кўплаб муштарийлар сонини кўпайтиришга таълим муасассалари педагог ходимлари, профессор-ўқитувчилар билан бевосита очиқ ва ошкора мулоқотга киришаётганлигига алоҳида эътибор бераётганлигини таъкидлаш жоиз. Шунингдек, бундай учрашувлар Самарқанд Давлат университети педагогика факультетида бўлиб ўтганлиги барча журналингиз муштарийлари чуқур мамнуният билан эслайди. Сабаби учрашувда қатнашган Самарқанднинг 7 та олий ўқув юртлари профессор ўқитувчиларига бош муҳаррир Сарвар Юлдашевич Махмудов журналнинг эшигини кенг очиб берди. Ҳамда чинакам таълим сифати ва самарадорлигини ошириш, ўқитишнинг илғор тажрибаларини намоён қилиш, таълимнинг инновацион усуллари, ахборот коммуникацион технологиялар таълим тарбия жараёнига жорий этиш муаммоларига алоҳида эътибор бериш зарурлиги айтиб ўтди.

Айтиш жоизки, ушбу учрашув ёш илмий тадқиқотчилар ўртасида илгарилари сўниб қолган ишонч умидини тиклашга ёрдам берди. Буни 2017 2018 ўқув йилида Самарқандлик педагог олимларни илмий изланишлари мақолаларини “Халқ таълими” журналида чоп этилганлигида кўриш қийин эмас.

Севимли журналимизнинг босиб ўтган шонли йилларида чоп этилган мақолаларни ўқир эканмиз, уни такомиллашиб борганлигини кўрамиз. Айниқса, журнал истиқлол йилларида хажми жиҳатидан, унда чоп этилаётган мақолаларнинг сифат жиҳатидан, дизайни жиҳатидан ҳам мукаммалликка эришгани муштарийларни қувонтиради.

Журнал ходимларининг янгиликка бефарқ эмасликлари, истиқболини кўра билишлари, таълим талаблари асосида вужудга келадиган вазифаларга алоҳида эътибор беришлари, унинг саҳифаларида миллий тарбия, маънавий ахлоқий тарбия, Ўзбекистон ватанпарвари, миллий қадриятлар каби тоталитаризм даврида унитилиш даражасига бориб қолган масалаларга кенг ўрин берила бошлаганини пайқаш қийин эмас. Эътиборга молик томони шундан иборатки, Самарқандлик педагоглар унинг саҳифаларида юзлаб илмий услубий мақолалар чоп этиб, фан номзодлари ва докторлари етишиб чиққанлар. Жонажон мамлакатимиз тараққиёти юксалиш босқичига ўтган ҳозирги кунда мактаб ўқувчиларини ғоявий, маънавий ахлоқий тарбиялашнинг асоси бўлган, ўқитувчиларнинг тезкор “Халқ таълими” журналига самарқандлик педагоглари номидан юксак парвозлар тилайман.

Нарзиқул Шодиев.

Самарқанд Давлат университети,

педагогика фанлари доктори, профессор

КАДРЛИ “ХАЛҚ ТАЪЛИМИ” ИЛМИЙ-МЕТОДИК ЖУРНАЛИ 100 ЁШДА

  Барчамизга маълумки, “Халқ таълими” журнали мактабгача, умумий ўрта таълим, ўрта махсус ва касб-ҳунар таълими, олий ва олий таълимдан кейинги таълим, малака ошириш ва қайта тайёрлаш, мактабдан ташқари таълим тизимининг илмий, назарий асосларини, таълим технологиялари, мамлакатимиз ва хорижий таълим соҳасидаги янгиликларни холис ва ҳаққоний тарзда ёритувчи нашрлардан биридир.

Шунингдек, журналда мамлакатимизда таълим тизимига оид қабул қилинаётган ҳуқуқий-меъёрий ҳужжатларнинг мазмун-моҳиятини ҳамда халқ таълимининг бугуни ва истиқболини ифода этувчи, ўқитишнинг илғор тажрибаларини тарғиб этиш, соҳадаги ижобий ютуқларни умумлаштириш ва оммалаштириш, тадқиқотчиларнинг фан йўналишидаги тадқиқотлари натижалари ва ўқитиш методикасига доир янгиликларни ёритиб берувчи манбаалардан биридир.

Ўзбекистонда таълим тарбия ривожида “Халқ таълим” журналининг ўзига хос мавқейи бор бўлиб,  журнал Республикамизда 1918 йилдан буён чоп этиб келинади. Журналда таълим тизимини ривожлантиришга доир жуда кўплаб мақолалар чоп этилган.

Журналда  узлуксиз таълим тизимининг барча бўғинларга тегишли бўлган қуйидаги рукунларда (таълим методикаси масаллари, таълим технологиялари, таълимини бошқариш фаолияти, маънавият, малака ошириш, экология, психология, махсус таълим, хорижий таълим ва бошқалар) чоп этиб борилиши журналнинг бугунги илмий мавқейини ошириб келмоқда.

Бундан ташқари бугунги кунда журналнинг мантиқий давоми сифатида “Халқ таълими  ахборотномаси” чоп этилиши ҳам журналнинг хуқуқий-меъёрий мавқейин ошириб келмоқда.

Ишонаманки, келажакда журнал ўз фаолиятини шу ташаббускорона тарзда давом эттиради ва ривожланиб боради. Шу билан биргаликда, “Халқ таълими” журналининг ходимларини табриклайман ва журналнинг фаолияти шу йўсинда  фаровон топишига тилакдошман.

Сизнинг журналингиз ҳозирги замонда ўқитишнинг ахборот ва инновацион технологиялари билан биргаликда ривожланиб, республикамиз таълим тизими  ривожланишига маълум маънода ўз ҳиссасини қўшиб келмоқда. Биздек ёш тадиқотчилар учун жуда яқин дўст, маслакдош ҳисобланади.

Шунингдек, шубҳасиз шуни айтиш мумкинки, “Халқ таълими” журнали Республикамизнинг Халқ таълими тизими ва бошқа таълим тизимлари билан интеграциялашдаги муаммолар ва уларнинг ечимлари масалаларини кўриб чиқувчи ягона журналлардан биридир. Журналнинг кейинги илмий ижодий фаолиятига  улкан зафарлар ва муваффақиятларни тилаб қоламан.

ТДПУ катта ўқитувчиси  C.Бабаджанов

Редакции журнала «Халқ таълими»

Хочу от всей души поздравить редакцию, авторов и читателей журнала со 100-летним юбилеем!

За годы своего существования журнал превратился в авторитетное периодическое издание, на страницах которого обсуждаются актуальные вопросы истории педагогики, отечественной и мировой системы образования, современных образовательных технологий и перспектив развития образовательной сферы.

Вся ваша деятельность направлена на воспитание и обучение молодого поколения, которое, благодаря вашим стараниям, должно проявить свои лучшие качества и реализовать свой потенциал на благо развития узбекского общества и государства.

«Халқ таълими» – это история и сегодняшний день педагогической мысли вашей страны. Он продолжает славные традиции советских педагогических журналов, публикуя на своих страницах результаты научных исследований, передовой педагогический опыт не только отечественных, но и зарубежных специалистов в области педагогики, что открывает новые горизонты сотрудничества в данной сфере с учеными и педагогами практиками Республики Беларусь.

Желаю журналу сохранять и приумножать свой авторитет, благодарных читателей, а коллективу и руководству новых профессиональных успехов в деле научно-методической поддержки педагогов страны.

Ректор Белорусского государственного

педагогического университета

имени Максима Танка 

А.И.Жук

ОТАХОН ЖУРНАЛГА ҚУТЛОВ

“Халқ таълими” журнали – Ўзбекистон Республикаси узлуксиз таълим тизимининг барча муассасаларида маънавий етук шахсни шакллантиришнинг илмий-педагогик асосларини ёритишга қаратилган илмий-методик журнал. Муассис: Ўзбекистон Республикаси Халқ таълими вазирлиги ва Т.Н.Қори Ниёзий номидаги Ўзбекистон Педагогика фанлари илмий тадқиқот институти. Журнал 1918 йил декабрдан чиқа бошлаган.

У дастлаб “Совет мактаби” номи билан чоп этилган. Мазкур журнал узоқ йиллар мобайнида педагог олимлар, ўқитувчилар ва тадқиқотчиларнинг яқин маслаҳатгўйи бўлиб келган. Журнал ўзининг шонли тарихий йўлига эга. Унда таълим соҳасидаги ислоҳотлар, илғор педагогик ёндашувлар, ўқув жараёнини ислоҳ қилиш муаммолари, педагог-олимлар ва ўқитувчиларнинг ютуқлари, таълим соҳасидаги ислоҳотлар, ҳуқуқий-меъёрий ҳужжатлар чоп этилиб, илмий-педагогик жамоатчилик орасида кенг тарғиб қилинган.

Мустақиллик йилларида журнал мазмун жиҳатдан янада бойиди. Унда узлуксиз таълимнинг барча бўғинларига хос муаммолар, илғор ёндашувлар, ислоҳотларнинг мазмун моҳияти ёритилиб келинмоқда. Ўзининг 100 йиллигини нишонлаётган отахон журналга менинг ҳам фикрларимни кенг оммалаштирган яқин кўмакчим сифатида ўзимнинг қутловим ва миннатдорчилигимни изҳор қиламан.

Сафарова Роҳат Гайбиллаевна

Педагогика фанлари доктори, профессор,

Халқаро Педагогика Фанлари

Академияси академиги

Табрик

        Зеро маънавият ва маърифат сарчашмасидан зилол бойликни тарғиб этиш, миллатнинг бой илмий меросини халқ онгига, шуурига сингдиришдек савоб ишни амалга ошириш Буюк Ҳадиси Шарифда таъкидланган “Бешикдан қабргача илм изла” ғоясининг ҳаётга жорий этишдек вазифани амалга ошираётган “Халқ таълими” 200, 300 йиллик қутлуғ ёшларга киришини чин дилдан истайман.

Миллат тараққиёти шу миллатнинг зиёлилари ва зиё манбаларининг бойлиги билан белгиланади. Ўзбекистон заминида кўплаб нашрлар, газета ва журналлар бўлишига қарамасдан “Халқ таълими” журналининг ўзигагина хос бўлган ажойиб таърифлари бор. Мазкур журнал юртимизда таълим-тарбиянинг энг илғор усулларини ва уни такомиллаштириш технологияларини тарғиб қилиш орқали порлоқ истиқбол эгаларини камолга етказиш вазифасини ўтаётган етакчи илмий нашр саналади. Келажаак пойдеворини илмдан, деворларини маънавиятдан ва маърифатдан ташкил этилишига хизмат қилаётган, 100 ёшни қаршилаётган, халққа илму урфон улашаётган “Халқ таълими” журналининг фидоий олимларини ва барча илм аҳлини чин қалбдан қутлайман. Журналнинг заҳматкаш ходимларига соғлик, ижодий баркамоллик ва жаҳонда машҳур нашрга айланишига тилакдошман.

Шаҳноза Халилова

психология фанлари доктори, профессор

T A B R I K

            Assalomu alaykum, aziz “Xalq ta’limi” jurnali xodimlari. Biz jurnalning har bir sonini intiqlik bilan kutadigan muxlislaringizmiz. 100 yoshga to‘lgan bu “do‘stimiz’’ har qancha e’tirofga loyiq. Shunday ekan, jurnal biz o‘qituvchilar faoliyatini yoritishda jonbozlik ko‘rsatib, ma’rifatga, ma’naviyatga oshno dillarimizning qadrdon do‘stiga aylangan. Jurnal sahifalarida turli mavzulardagi dolzarb masalalar, yutuq va yangilanishlar, muammo va kamchiliklar muntazam yoritib borilishi ayni muddao bo‘lmoqda. Bundan maqsad, albatta, ta’lim saviyasini oshirish, turli sohalar rivojiga hissa qo‘shishdan iboratdir.

Har bir sonida o‘qituvchi- murabbiylar va ijodkorlarning  ilg‘or tajribalari, yangi ilmiy-tadqiqotlari, turli mavzulardagi maqolalari jurnalning mazmun- mohiyatini boyitib borayapti. “Xalq ta’limi”  jurnalining jonkuyar xodimlari mehnatlari bilan ko‘plab ziyolilar ijodlari jurnal sahifalarida yoritib borilmoqda. Xalqning  rivoji har qaysi davrda ham millatning ma’naviy o‘sishi, ruhan yuksalishining yorqin ifodasi bo‘lib kelgan.  Bugungi kunda barcha sohalarda bo‘lgani kabi ta’lim tizimida ham xalqning dardini tushunish, ularning haq-huquqlarini himoya qilish ustuvor ahamiyat kasb etib kelmoqda.

Xalq ta’limi tizimida ham yildan-yilga yangi tashabbuslar, yangiliklar amaliyotga tatbiq etilib, yosh avlodning jismonan sog‘lom, ma’nan barkamol bo‘lib ulg‘ayishi, ular ongiga Vatanga sadoqat, milliy qadriyatlarimizga hurmat ruhini singdirishda jurnalda berib borilayotgan maqolalar va metodikalarning yordami katta bo‘lmoqda. Sohaga doir qabul qilinayotgan barcha qarorlarni ta’lim muassasalariga yetkazishda jurnal xodimlarini mehnatlari katta, albatta.
“Xalq ta’limi” ilmiy-metodik va “Xalq ta’limi axborotnomasi”  jurnallari bugungi kunda o‘qituvchilarning eng yaqin ko‘makchisiga aylanib, ularga katta yordam bermoqda. Jurnalning sahifalarida chop etilayotgan mashg‘ulotlardan dars jarayoni va seminar-treninglarda foydalanib kelishmoqda.

Bugun yoshlar jamiyatning har bir jabhasiga katta kuch bo‘lib kirib kelayapti, bunda jurnalning ahamiyati katta bo‘lmoqda. 100 yoshga to‘lgan bu ajoyib va bilimlarga kon jurnalimiz har qancha e’tirofga loyiq. Buning barchasi tahririyat jamoasining fidoyiligi samarasidir.

Biz pedagoglar jurnal sahifalaridan olgan yangiliklar tufayli darslarimizda bilim darajasini oshirib bormoqdamiz. Har bir sohaning ravnaq topishida, avvalo, shu sohadagi qabul qilinayotgan qonunlarning hayotga tatbiq etilishiga bevosita bog‘liq. Shu tufayli  jurnalning hozirgi shiddatli davrdagi ahamiyati katta bo‘lmoqda. Ta’lim sohasiga doir qabul qilinayotgan buyruqlarni ta’lim muassasalariga yetkazib berishda “Xalq ta’lim axborotnomasi” jurnalining o‘rni beqiyosdir. Bu borada jurnal sahifalarida e’lon qilingan
“Eng yaxshi dars ishlanmasi” ko‘rik-tanlovning o‘tkazilishi ham biz pedagoglarning mehnatini ommaga ko‘rsatishda muhim ahamiyatga ega bo‘ldi. O‘qituvchi-pedagoglar orasida o‘zaro hurmat va tajriba almashish imkonini yaratdi.  Shunday ekan biz pedagoglar ham jurnal xodimlarining ishlariga zafarlar tilaymiz. Bundan keyin ham xalqqa yangiliklarni yetkazishda jonbozlik ko‘rsatishlariga tilakdoshmiz. Ma’rifat va ma’naviyat ulashihsdek ulug‘ ishlariga omad tilaymiz.

“Xalq ta’limi” jurnalining bunday to‘ylari bardavom bo‘lsin. Doimo xalq e’tiborida bo‘lish nasib etsin.

            Baliqchi tumani Xalq ta’limi bo‘limi

            metodik markazi.

            8-umumta’lim maktabi

            Ona tili va adabiyot fani o‘qituvchisi

            Mannopova Sharifa

“Халқ таълими”  илмий-методик журнали 100 ёшда!

Ўзининг шонли тарихи, республикамиз таълим тизимида ўзининг муносиб ўрнига эга бўлган “Халқ таълими”  илмий-методик журнали ўзининг қутлуғ 100 ёшини нишонламоқда.

Шу узоқ вақт мобайнида журнал таълимнинг илмий ва амалий жиҳатларига бағишланган мақолалар билан умумий ўрта таълим ривожига ҳисса қўшиб келди. Журнал саҳифаларида республикамиз ва хорижий олимларнинг долзарб мавзулардаги илмий мақолалари нашр этилди ва этилмоқда. Журналда чоп қилинган мақолалар тизимнинг долзарб муаммоларини ҳал қилишнинг аниқ йўл-йўриқлари таклиф қилингани билан аҳамиятли.

 “Халқ таълими”  илмий-методик журнали Ўзбекистон Республикаси халқ таълими тизимининг тарихи ва бугунги кунини акс эттирувчи журнал. Шу билан у таълим ривожи билан қизиққан мутахассис ва кенг ўқувчилар оммаси учун битмас-туганмас хазинадир. Унинг саҳифаларидан жой олган маълумотларнинг тарихий, илмий ва амалий аҳамиятини ортиқча баҳолаш қийин.

Мен педагог сифатида журналнинг ҳар бир сонини диққат билан кузатиб бораман, кўп йиллик тажрибага эга журналхон сифатида айтишни жоиз билдимки, шарафли ва машаққатли касб эгалари бўлмиш ўқитувчиларимизнинг ўқув-методик фаолияти, илмий-оммабоп материаллар зиёлилар орасида доимий қизиқиш уйғотиб келади.

Журнал ўзбек матбуотчилик анъаналарини асраб-авайлаб ва ривожлантириб  келаётганини алоҳида таъкидлашни истардим. Унинг турли йилларда чоп қилинган сонларини варақлаб, юртимизда журнал чоп этишнинг ривожланиб боргани ҳақида ҳам тасаввур ҳосил қилиш мумкин.

Журналнинг ҳар бир сонида халқ нафаси сезилиб туради, у таълим фидойиларининг ҳақиқий минбарига айланган. Авлодлар алмашмоқда, журналнинг таълим тизимидаги ўз нуқтаи назари ривожланиб, замон талабларига мос, умумий таълимнинг илмий-амалий масалаларини ҳал қилишга ўзининг муносиб ҳиссасини қўшишда давом этмоқда.

“Халқ таълими”  илмий-методик журнали журналининг таҳририяти, муаллифлари ва ўқувчиларини журналнинг 100 йиллик юбилейи билан самимий муборакбод этаман!  Журналнинг кейинги фаолиятида улкан муваффақиятлар тилайман. Таълим тизимидаги ислоҳотларнинг стратегик ҳамкори сифатида фаолиятини узоқ йиллар самарали давом эттиришига ишонаман.

Равиль Геннадьевич Исянов,

Тошкент Давлат педагогика университети ҳузуридаги илмий даражалар берувчи DSc.27.06.2017.Ped.26.01 рақамли илмий кенгаш котиби

ҚУТЛУҒ 100  ЁШИНГ МУБОРАК БЎЛСИН,

АЗИЗ “ХАЛҚ ТАЪЛИМИ”!

Ўзининг 100 ёшини нишонлаётган том маънода халқимизнинг муҳаббати ва ардоғига сазовор бўлган “Халқ таълими” журнали ҳамда унинг ижодкор ва жонкуяр жамоасини қутлуғ айём билан кўп минг сонли Чирчиқ Давлат педагогика институти профессор-ўқитувчилари ҳамда талабалари жамоаси номидан муборакбот этаман!

“Халқ таълими” журнали республикамиз ижодкор зиёлилари, амалиётчи ўқитувчи-тарбиячилари ҳамда илмий жамоатчилигини тарбиялашдаги роли беқиёслиги ҳаммага аён.

“Халқ таълими” журнали халқимизнинг миллий қадриятларини  тиклашда, юртимизнинг буюк аждодлари ва алломалари номларини ўқувчилар, талабалар ҳамда кенг жамоатчилик орасида тарғибот қилишда кенг кўламли фаолият олиб бормоқда. Севимли журналимиз шунингдек, Президентимиз фармонлари ва фармойишлари, давлатимиз қарор ва фармойишлари, миллий қадриятларимиз, миллатимиз ғурури ва инсон маънавиятининг тарғиботчиси сифатида халқимиз ҳурматига сазовор бўлмоқда.

Отахон журналимиз саҳифаларида мустақил Ўзбекистоннинг мактабгача таълим муассасалари, умумтаълим мактаблари, академик лицей ва касб-ҳунар коллежлари, олий таълим ҳамда  малака ошириш тизимларига оид турли долзарб мавзулардаги илмий-услубий мақолалар, узлуксиз таълим тизимидаги ютуқ ва янгиланишлар, муаммо ва камчиликлар мунтазам ёритиб борилмоқда ва илмий ходим, ўқитувчи-тарбиячиларнинг беминнат кўмакдошига айланиб улгурди.

“Халқ таълими” журнали ёшларни комил инсон, баркамол шахс қилиб тарбиялашда ўзининг муносиб ҳиссасини қўшиб келаётганидан ҳар қанча ғурурланса арзийди!

Мен севимли журналимиз “Халқ таълими”ни ва унинг меҳнаткаш жамоасини бир муштарийи сифатида муборак 100 ёши билан табриклайман! Яна кўп йиллар халқимизнинг ўқувчи-ёшлари, илмий жамоатчилигини Ватанга садоқат, ватанпарвар, миллатсевар қилиб тарбиялашда хизмат қилишини қўлдан бермаслигини Яратгандан сўраб қоламан!

Шукурулло Мардонов

Чирчиқ Давлат педагогика институти

Педагогика факультети декани, педагогика

фанлари  доктори профессор